Pagina Inicial»Noticia
Parlamento Nacional iha loron 25 fulan fevereiro tinan 2019, liu hussi reunião Plenária ordinária halo discussão no aprovação ba Projeto de Deliberação kona-ba Primeira Alteração da Deliberação n.o 5/2018 de 18 de julho – Grupos Parlamentares de Amizade, ho 40 votos a favor, 0 contra no 5 abstenções.
Grupo Amizade ne’e hamutuk nação 15, nune’e ho aprovação ba Projeto de Deliberação ne’e aumenta tan nação Egipto ho França.
Iha sessão Plenária ne’e mós Bancada FRETILIN halo declaração política relaciona ho aprovação ba 1a alteração Lei das Atividade Petrolífera no apresentação Governo iha Parlamento Nacional kona-ba Politica Investimento dos Petrolífero.
Além de ne’e iha declaração política Bancada PD nian ko’alia kona-ba aprovação Orçamento Geral do Estado de 2019 ne’ebé Presidente da República promulga ona, no contínua hussu ba liderança sira hodi halo dialogo ba assunto sira interesse nacional nian.
Iha intervenções diversas, Deputado sira continua preocupa infraestrutura básica sira atu Governo bele soluciona tuir nia plano no programa ne’ebé mak iha.
Plenária segunda-feira ne’e Deputado Francisco Kalbuady Lay retoma nia mandato hanessan Deputado iha V Legislatura ne’e.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Ministro da Reforma Legislativa e dos Assuntos Parlamentares, Fidélis Manuel Leite Magalhães.
