Pagina Inicial»Noticia
Comissão A iha Parlamento Nacional ne’ebé trata assuntos Constitucionais e Justiça, hahú halo audiência publica ho entidade relevante sira kona-ba Lei Anti Corrupção, iha loron 20 fulan fevereiro tinan 2019.
Antes halo audiência ho entidade relevante sira, iha parte dadeer Comissão A rona uluk hanoin hussi proponente sira hussi Projeto de Lei ne’e hanessan; Deputado Joaquim dos Santos, Deputado Francisco Miranda Branco, Deputado Adriano do Nascimento, Deputado Antoninho Bianco, Deputado David Dias Ximenes Mandati, Deputada Maria Angelica Rangel da Cruz, Deputado Fabião Olivéria, Deputado Lídia Norberta N. S. Martins, no Deputada Nélia Soares Menezes.
Nune’e iha parte lokraik, Comissão A continua halo audiência ho Ministro para a Reforma Legislativa e Assuntos Parlamentares, Fidélis Leite Magalhães, Ministro da Justiça, Manuel C. da Costa no Diretor Nacional da Policia Cientifica de Investigação Criminal, Vicente Fernandes E. B, hodi discute kona-ba Projeto de Lei ne’e oinsá bele melhoria no baseia ba espirito Constituição da RDTL nian.
Audiência pública ne’e preside hussi Vice-Presidente Comissão A, Deputado Francisco de Vasconcelos, acompanha hussi membro Comissão A nian, no sei continua halo audiência publica ho entidade seluk iha loron tuir mai.
