Pagina Inicial»Noticia
Parlamento Nacional no Ministério da Administração Estatal inclui Secretario de Estado do Meio Ambiente, liu hussi sessão Plenária iha loron 19 fulan fevereiro tinan 2019, halo discussão kona-ba problema lixo iha capital Díli no implementação politica Zero Plástico.
Discussão ne’ebé marca presença hussi Ministro da Administração Estatal interino, Abílio José Caetano no Secretario de Estado do Meio Ambiente, Demétrio de Amaral de Carvalho, ne’e ko’alia liu kona-ba oinsá mecanismo no solução ba lixo iha Capital Díli ne’ebé aumenta hussi loron ba loron.
Além de ne’e, Deputado sira mós halo discussão ba Projeto de Resolução N.o 17/V (1a) - Aprova Suplementos e subsídios dos Titulares dos Cargos de Direção e Chefia e dos Funcionários do Parlamento Nacional. Masque nune’e Projeto refere la consegue halo aprovação no suspende ba Plenária tuir mai tanba sei halo alteração ruma relaciona ho assunto ne’e.
Enquanto iha intervenções diversas, Deputado sira preocupa kona-ba numero estudante sira iha sala ida ne’ebe barak liu hodi dificulta processo aprendizagem, inclui implementação merenda escolar iha escola sira.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi Vice-secretária da Mesa no hetan presença hussi Ministro da Reforma Legislativa e dos Assuntos Parlamentares, Fidélis Leite Magalhães.
