Pagina Inicial»Noticia
Diretora Geral Centro de Cooperação Internacional de Universidade de Nova Iorque, Vicky Tchong, acompanha hussi membro sira Gabinete de Direção para Organização da Nações Unidas hussi Ministério dos Negócios Estrageiros e Cooperação de Timor-Leste halo reunião ho Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, Presidente Comissão Especializada sira, iha loron 14 fevereiro tinan 2019, iha sala de conferência do Parlamento Nacional.
Durante reunião ko’alia kona-ba progresso no desafio serviço Parlamento Nacional nian ne’ebé enfrenta ona durante tinan hirak nia laran relaciona ho implementação Objetivo Desenvolvimento Sustentável (ODS16+) ne’ebé nação hamutuk 51 mak sai pioneiro ba programa ida-ne’e inclui Timor-Leste.
Programa ne’e ko’alia liu kona-ba paz, justiça no inclusão. Nune’e mós sai hanessan avaliação ida ba nação sira atu halo desenvolvimento baseia ba Plano Estratégico Nacional idak-idak nian.
Informação hirak ne’e sai matéria iha relatório anual ne’ebé sei produz hussi membro sira Direção para Organização das Nações Unidas em Timor-Leste, hodi apresenta iha conferencia Internacional de Organização Nações Unidas iha Nova Iorque, iha fulan julho tinan 2019.
Presidente do Parlamento Nacional agradece ba serviço delegação ne’e no espera katak ho programa ne’e bele facilita desenvolvimento Timor-Leste iha setor hotu-hotu ho paz, justiça no inclusão. Tan ne’e precisa halo cooperação ho direção relevante iha Parlamento Nacional hodi hetan informação detalho kona-ba processo ne’e.
