Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, Embaixador Austrália iha Timor-Leste, Peter Roberts, Secretária de Estado Igualdade Género no Inclusão, Maria José da Fonseca Monteiro de Jesus, Presidente GMPTL (Grupo das Mulheres Parlamentares de Timor Leste), Lídia Norberta dos Santos Martins, oficialmente halo lançamento ba Programa Intercâmbio Timor-Leste ho Austrália “Deputada Suporta Deputada” iha loron 4 fulan fevereiro tinan 2019, iha Parlamento Nacional.
Lançamento ne’e ho objetivo atu hametin amizade entre Austrália no Timor-Leste, liuliu Parlamento Nacional ho Parlamento Austrália.
Presidente do Parlamento Nacional, Arão Noé de Jesus da Costa Amaral, iha nia discurso hatete Presidente do Parlamento fó apoio tomak ba programa ne’e no precisa continua hodi garante cooperação bilateral entre nação rua ne’e, liuliu iha área igualdade género no habiit feto iha vida politica no área sira seluk.
Deputada hirak ne’ebé sei participa iha programa ne’e durante semana ida iha Austrália mak hanessan; Deputada Lídia Norberta dos Santos (FRETILIN), Deputada Luísa Taiki (CNRT), Deputada Rosalina Ximenes (PLP), Deputada Olinda Guterres (Khunto), Deputada Elvina Sousa Carvalho (PD),no Deputada Isabel Maria B.F. Ximenes (UDT / FM).
Participa iha lançamento programa ne’e maka, Deputado sira, no parceiro sira GMPTL nian.
