Pagina Inicial»Noticia
Comissão F iha Parlamento Nacional ne’ebé trata assunto Saúde, Segurança Social e Igualdade de Género, iha loron 23 fulan janeiro tinan 2019, halo fiscalização ba Hospital Nacional Guido Valadares Díli.
Objetivo fiscalização ne’e atu haree direitamente instalação maquina Hemodialise foun hodi atende ba paciente sira.
Maquina hirak ne’e hamutuk tolu mak instala ona hodi halo atendimento ba paciente sira, no falta maquina ida mak seidauk instala.
Iha oportunidade ne’e Deputado sira mós observa direta paciente sira ne’ebé hala’o hela tratamento iha HNGV liuliu paciente sira ne’ebé usa maquina Hemodialise.
Fiscalização ne’e lidera hussi Presidente da Comissão F, Deputada Maria Gorumali Barreto, acompanha hussi membro comissão nian.
