Pagina Inicial»Noticia
Assessor Jurídico hussi Comité Internacional da Cruz Vermelha (CICV), Jan Romer, halo reunião ho Presidente do Parlamento Nacional, Arão Noé de Jesus da Costa Amaral, iha loron 15 fulan janeiro tinan 2019 iha gabinete Presidente Parlamento nian.
Durante reunião, Assessor Jurídico ne’e informa ba Presidente kona-ba serviço Cruz Vermelha nian durante ne’e liuliu reunificação ba labarik sira ne’ebé força Indonésia sira lori ba Indonésia iha tempo resistência nian.
Além ne’e ko’alia kona-ba tratado internacional sira ne’ebé Timor-Leste seidauk ratifica tratado humanitário internacional, tratado ba utilização arma química no seluk tan.
Iha oportunidade ne’e, CICV convida mós Presidente do Parlamento Nacional atu participa iha lançamento livro kona-ba serviço humanitário internacional nian iha Timor-Leste.
