Pagina Inicial»Noticia
Parlamento Nacional iha loron 10 fulan dezembro tinan 2018 continua halo debate ba Proposta de Lei no.o 3 /V (1a) - Orçamento Geral de Estado 2019 nian iha Generalidade.
Discussão ba loron daruak ne’e hahú iha 09h30, ho leitura ba agenda trabalho nian, no tuir halo voto de congratulação 70 anos das Declaração Universal Dos Direitos Humanos, ho 61 votos a favor, 0 contra no 0 abstenções.
Hafoin votação, Primeiro-Ministro, Taur Matan Ruak, fó kedas resposta kona-ba relatório no parecer Comissão C. Bancada FRETILIN no PD mós hato’o declaração politica kona-ba OGE 2019 no política Governo nian.
Presidente Parlamento Nacional, Arão Noé de Jesus da Costa Amaral, contínua fó tempo ba Deputado sira hodi hato’o declaração liga ba OGE 2019 no programa Governo nian ne’ebé hetan kedas resposta hussi parte Governo liu hussi Primeiro-Ministro.
Discussão ne’e encera iha 18h06 no sei continua iha loron 11 fulan dezembro tinan 2018. Sessão discussão ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro Mesa sira no hetan presença hussi Primeiro-Ministro, Taur Matan Ruak, no membro sira Governo nian.
