Pagina Inicial»Noticia
Parlamento Nacional liu hussi Plenária extraordinária, iha loron 6 fulan dezembro tinan 2018, hahú ona halo discussão ba Proposta de Lei n.o 3/V (1a) - Orçamento Geral de Estado (OGE) 2019 iha Generalidade.
Discussão OGE ne’e hahú iha 15h20 ho abertura Hino Nacional, no continua kedas leitura ba agenda no guião hussi Presidente do Parlamento Nacional, Arão Noé de Jesus da Costa Amaral.
Hafoin ida-ne’e, Primeiro-Ministro, Taur Matan Ruak, apresenta Proposta OGE 2019 nian, ne’ebé sita prioridade sira iha Proposta OGE ne’e.
Proposta OGE 2019 hamutuk 1.827 milhões ne’ebé fahe ba Salários e Vencimento $ 214,046 milhões, Bens e Serviços $478,262 milhões, Transferências Publicas $ 705,117 milhões, Capital Menor $29,401 milhões, no Capital de Desenvolvimento $400,173 milhões.
Hafoin apresentação proposta, Comissão C ne’ebé trata assuntos Finanças Publicas apresenta relatório no parecer comissão nian kona-ba Proposta OGE 2019 nian.
Discussão loron dahuluk ne’e termina iha 18h31 no sei continua iha loron 10 fulan dezembro tinan 2018. Debate OGE ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro Mesa sira no hetan presença hussi Primeiro-Ministro Taur Matan Ruak, no membro sira Governo nian.
