Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Deputada Elvina Sousa de Carvalho, participa iha Seminário Nacional hodi Comemora Loron Mundial Anti-Corrupção, iha loron 9 fulan dezembro tinan 2018, iha Município Aileu.
Iha seminário ne’e Presidente do Parlamento Nacional hateten Estado Timor-Leste iha compromisso boot hodi combate no contra corrupção, tanba corrupção bele estraga Estado no povo nia moris.
Compromisso ida-ne’e hatudu liu hussi retificação ba Convenção Nações Unidas nian kona-ba contra corrupção ne’ebe Parlamento Nacional aprova iha loron 27 fulan março tinan 2009, inclui lei sira seluk hodi minimiza caso corrupção.
Participa iha seminário ne’e mak hanessan Presidente do Parlamento Nacional, Ministro da Justiça, representante gabinete Primeiro-Ministro, Embaixador sira, Administrador Município Aileu, Estudante sira inclui convidado sira seluk.
Seminário ne’e organiza hussi organização ONG Lalenok ba Ema Hotu (LABEH) parceria ho Embaixada Austrália no Centro Juventude Município Aileu.
