Pagina Inicial»Noticia
Comissão F iha Parlamento Nacional ne’ebe trata assuntos Saúde, Segurança Social no Igualdade Género, iha loron 15 fulan novembro tinan 2018, hala’o fiscalização ba iha Hospital Nacional Guido Valadares (HNGV) no Centro de Saúde Vera Crus Díli.
Fiscalização ne’e ho objetivo atu observa diretamente condição HNGV inclui Centro Saúde ne’e atu Deputado sira membro comissão nian bele fó opinião no contribuição di’ak liu tan iha discussão Orçamento Geral de Estado 2019 nian liuliu liga ba Orçamento Ministério de Saúde nian.
Durante fiscalização Deputado sira mós halo reunião ho Diretor HNGV, Doutor Aniceto Cardoso Barreto SpA. M.Kes, hodi rona preocupação sira ne’ebé HNGV enfrenta durante ne’e.
Fatin sira ne’ebé comissão fiscaliza mak hanessan Unidade Histopatologia, Laboratório Nacional, Enfermaria Pediatria, Sala Maternidade, Construção fatin ba maquina Hemodialise fasse-raan, Cozinha Hospital Nacional, no Unidade Banco de Sangue Nacional.
Fiscalização hanessan hala’o mós ba Centro Saúde Vera Crus Município Díli, hodi haree diretamente condição centro saúde ne’e.
Atividade fiscalização ne’e lidera hussi Presidente Comissão F Deputada Maria Gorumali Barreto, acompanha hussi membro comissão nian inclui técnico sira.
