Pagina Inicial»Noticia
Grupo Mulheres das Mulheres Parlamentares de Timor-Leste (GMPTL), comemora Loron Feto Nacional ba dala 43º iha município tolu hanessan Município Baucau, Município Ermera no Município Liquiçá, iha loron 8 fulan novembro tinan 2018.
Iha comemoração ne’e GMPTL realiza ho Seminário ho tema «Hamutuk Promove Feto iha Careira Profissional Foti Decisão iha Setor Publico no Privado», nune’e seminário ne’ebé realiza iha Município Baucau ne’e chefia hussi Deputada Maria Anabela Savio, ho nia equipa sira, Município Ermera chefia hussi Vice-Presidente Parlamento Nacional, Deputada Maria Angelina Lopes Sarmento, ho nia equipa sira no Município Liquiçá chefia hussi Presidente GMPTL, Deputada Lídia Norberta Martins, ho nia equipa sira.
Matéria hirak ne’ebé discute iha seminário ne’e mak hanessan; Oinsá promove feto sira iha função Publica hodi hola parte iha carreira profissional no foti decisão, Oinsá feto sira-nia luta ba desenvolve capacitação no promove feto sira iha careira profissional no foti decisão, Papel Parlamento Nacional hodi promove feto iha carreira profissional no hamutuk promove feto iha carreira profissional, foti decisão iha setor publico no setor privado. Orador sira mai hussi Função Publica, membro GMPTL, Sociedade Civil, feto empresarial no seluk tan.
Durante seminário, participante sira mós hetan oportunidade hodi hussu ba orador sira kona-ba desenvolvimento nacional liga ba participação feto sira-nian.
