Pagina Inicial»Noticia
Comissão E iha Parlamento Nacional ne’ebé trata assuntos de Infraestruturas iha loron 8 fulan novembro tinan 2018, halo fiscalização ba construção ponte Camea ne’ebe localiza iha aldeia Ailok-laran suco Camea Posto Administrativo Cristo Rei Município Díli.
Atividade fiscalização ne’e halo tanba hetan queixa hussi autoridade local ba Comissão E tanba construção ponte refere bessik liu moru eletricidade Subestação iha área refere.
Iha fiscalização ne’e comissão rona explicação hussi Diretora Companha Chegue Rau Unipessoal Lda. Luciana da Costa, kona-ba processo construção ponte refere ne’ebé hetan acompanhamento hussi técnico ADN (Agencia de Desenvolvimento Nacional), no projeto refere loloos finaliza ona maibé tanba impasse politica iha tinan kotuk nune’e prejudica construção refere.
Projeto ne’e financia ho montante orçamento hamutuk $398,471 mil, no construção ne’e hahú iha fulan julho tinan 2017.
Fiscalização ne’e lidera hussi Presidente Comissão E Deputado Abel Pires, acompanha hussi membro comissão nian.
