Pagina Inicial»Noticia
Comissão F ne’ebe trata assunto Saúde, Segurança Social no Igualdade Género, iha loron 7 fulan Novembro tinan 2018 halo audiência pública ho world health organization (WHO), iha sala comissão F.
Iha audiência ne’e ko’alia kona-ba Cooperação entre Comissão F ho Organização Mundial da Saúde atu apoio técnico iha serviço comissão nian. Apoio técnico hóssi Organização Saúde Mundial mak hanessan fó informação técnica ba deputado sira kona ba assunto especifico hanessan imunização, tabaco, saúde materna infantil, moras Rubela tuberculose, no mal nutrição ne’ebe acontece ba labarik sira nomos assunto seluk ne’ebe iha relação ho área Saúde.
Iha apresentação Presidente Comisso F hateten, Cooperação ne’ebe mak Comissão F Parlamento Nacional halo ho WHO, atu aumenta conhecimento Deputado sira nian liuliu iha área saúde ho nune bele facilita serviço iha fiscalização.
Audiência Publica ne’e lidera hussi Presidente Comissão F, Deputada Maria Gorumali Barreto no acompanha hóssi membro Comissão, ho presença hóssi Representante Organização Mundial de Saúde iha Timor Leste Dr. Rajesh Pandav ho nia Comitiva.
