Pagina Inicial»Noticia
Presidente do Parlamento Nacional, Arão Noé de Jesus, acompanha hussi membro da Mesa sira, halo reunião ho delegação sira hussi Parlamentar Austrália, iha loron 31 fulan outubro tinan 2018.
Representante delegação Kenneth O,Down hateten objetivo hussi visita ne’e atu hametin cooperação entre Governo Austrália no Governo Timor-Leste, liuliu ho Parlamento Nacional.
Reunião ne’e hanessan mós contacto preliminar ho Deputado foun sira atu bele fahe informação ba malu kona-ba serviço Parlamento nian.
Iha tempo hanessan representante delegação ne’e mós convida Deputado sira atu halo visita ida ba Parlamento Austrália nian.
Presidente do Parlamento Nacional agradece ba apoio tomak governo Austrália nian hahú kedas iha intervenção INTERFET nian iha tinan 1999 hodi assegura estabilidade iha Timor-Leste, no restauração independência iha 2002.
Nune’e mós agradece ba Governo Austrália tanba bele simu trabalhador timor oan hodi serviço iha Austrália no hussu atu continua ba oin.
Hafoin encontro ho delegação Parlamentar Austrália, Presidente do Parlamento Nacional continua reunião ho Embaixador Estónia, Mark Tarmak, hodi discute assunto importante sira.
