Pagina Inicial»Noticia
Parlamento Nacional estabelece ona Comissão Inquérito Parlamentar, iha loron 29 fulan outubro tinan 2018, no hetan posse hussi Presidente do Parlamento Nacional, Arão Noé de Jesus, ho mandato fulan hahú hussi novembro too dezembro tinan 2018.
Comissão ne’e composto hussi membro na’in 11 permanente no na’in 11 suplente hussi bancada 5 (Bancada FRETILIN, Bancada CNRT, Bancada PLP, Bancada KHUNTO, no Bancada PD) iha Parlamento Nacional, hanessan; Deputado Antoninho Bianco (Presidente, efetivo), Deputado Adriano do Nascimento (Vice-Presidente), Deputada Maria Anabela Savio (Secretaria, efetivo), Deputado Joaquim dos Santos (membro efetivo), Deputado Mariano Fatubai Mota (membro efetivo), Deputada Maria Fernanda Lay (membro efetivo), Deputada Albina Freitas (membro efetivo), Deputado Domingos Carvalho de Araújo (membro efetivo), Deputado Abel Pires da Silva (membro efetivo), Deputada Maria Angelina Lopes Sarmento (membro efetivo), no Deputado António Maria Nobre Amaral Tilman (membro efetivo).
Entretanto membro sira suplente mak hanessan; Deputado Fabião Oliveira, Deputado Silvino Adolfo Morais, Deputado Dario Madeira, Deputada Nélia Soares Menezes, Deputada Elvina Sousa Carvalho, Deputado Marcos Xavier, Deputado Patrocino Fernandes dos Reis, Deputado Ricardo Baptista, Deputada Rosalina Ximenes, Deputado Noé da Silva Ximenes, no Deputada Olinda Guterres.
Comissão ne’e harii ho objetivo fiscaliza no verifica projeto sira hamutuk 143 iha território tomak antes Governo halo pagamento.
Iha loron hanessan, liu hussi sessão Plenária, Mesa Parlamento Nacional baixa Projeto de Lei No.2/V (1a) - Primeira Alteração a lei no. 13/2005, de 2 de setembro – Lei das Atividades Petrolíferas ba Comissão C no Comissão D, hodi halo elaboração antes discute no aprovação iha Plenária.
Alem de ne’e, bancada FRETILIN liu hussi Deputada Josefa Alvares Pereira Soares, hato’o declaração politica ne’ebé ko’alia kona-ba condição feto rural sira, inclui lala’ok situação politica rai laran, oinsá buka solução no concentra ba desenvolvimento nacional.
Sessão Plenária ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira no hetan presença hussi Secretário de Estado Comunicação Social, Merícico Juvenal dos Reis.
