Pagina Inicial»Noticia
Parlamento Nacional liu hussi reunião Plenária extraordinária, iha loron 18 too 19 fulan outubro tinan 2018, halo ona aprovação ba Projeto de Resolução No. 15/V (1a) - Orçamento Privativo do Parlamento Nacional para 2019 ho votos 32 a favor, 0 contra no 4 abstenções.
Montante ne’ebé aprovado hamutuk $16,145 milhões, ho nia rubrica sira hanessan: Salários e Vencimentos $5,814 milhões; Bens e Serviços,$7,412 milhões; Capital Menor $1,780 milhões; Capital de Desenvolvimento $ 195 mil; no Transferências $ 944 mil.
Hafoin aprovação, Comissão C ne’ebé trata assuntos Finanças Publicas sei halo redação final antes haruka ba Governo liu hussi Gabinete Presidente do Parlamento Nacional hodi anexa iha Orçamento Geral de Estado 2019 nian.
Reunião Plenária ne’e preside hussi Presidente do Parlamento Nacional em exercício, Maria Angelina Lopes Sarmento, acompanha hussi membro da Mesa sira no hetan presença hussi Secretário-Geral do Parlamento Nacional, Adelino Afonso de Jesus, ho nia estrutura tomak.
