Pagina Inicial»Noticia
Presidente do Parlamento Nacional, Arão Noé de Jesus da Costa Amaral, halo reunião ho Diretora Nacional Plan Internacional, Dirvina Ximenes, ho nia equipa sira iha loron 10 fulan outubro tinan 2018, iha gabinete do Presidente do Parlamento Nacional.
Objetivo hussi reunião ne’e atu informa ba Presidente do Parlamento Nacional kona-ba Plan Internacional nia serviço iha Timor-Leste durante tinan 17 nia laran.
Alem de ne’e hussu disponibilidade Presidente do Parlamento Nacional atu autoriza Silviana Maria da Graça Bere, estudante ida hussi Município Aileu, tinan 17 hodi assume cargo hanessan Presidente do Parlamento Nacional iha minuto balun nia laran, iha loron 11 fulan outubro tinan 2018.
Pedido ne’e Plan Internacional halo atu celebra loron mundial ba labarik feto sira, no oinsá prepara labarik sira sai liderança politica iha futuro.
Presidente do Parlamento Nacional aprecia ho serviço Plan Internacional durante ne’e, no habiit liu tan labarik sira iha Timor-Leste nune’e bele participa ativo iha processo desenvolvimento nacional.
