Pagina Inicial»Noticia
Parlamento Nacional liu hussi reunião Plenária ordinária, iha loron 9 fulan outubro tinan 2018, aprova ona Projeto de Resolução n.o 12/V (1a) – Recomenda ao Governo que tome medidas para a defesa e conservação do meio ambiente, ho 53 votos a favor, 0 contra, no 0 abstenções.
Proponente sira ba Projeto de Resolução ne’e mak; Deputado Francisco Miranda Branco, Deputada Maria Fernanda Lay, no Deputado Antoninho Bianco, ho objetivo atu diminui lixo plástico ne’ebé aumenta ba beibeik iha Timor-Leste tomak, hahú hussi capital too município sira.
Nune’e ho resolução ne’e reforça Governo hodi toma medida ba defesa no conservação meio ambiente liu hussi política “Zero Plástico” iha Timor-Leste.
Deputado sira sugere ba Governo atu serviço hamutuk ho entidade hotu liuliu autoridade local sira hodi implementa politica ne’e ho sustentável.
Secretário de Estado do Ambiente, Demétrio de Amaral de Carvalho, hatete Governo sei halo socialização no sensibiliza kona-ba politica ne’e ba comunidade hotu-hotu. Governo otimista sei atingi objetivo política Zero Plástico ne’e iha Timor-Leste.
Sessão Plenária ne’e preside hussi Presidente do Parlamento Nacional em exercício, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e dos Assuntos Parlamentares, Fidélis Magalhães, Secretário de Estado da Comunicação Social, Merícico Juvenal dos Reis no Secretário de Estado do Ambiente, Demétrio de Amaral de Carvalho.
