Pagina Inicial»Noticia
Parlamento Nacional liu hussi reunião Plenária ordinária, iha loron 8 fulan outubro tinan 2018, continua sugere ba Governo atu resolve dificuldade povo nian ba necessidade básico sira.
Sugestão sira ne’e Deputado sira informa liu hussi intervenção diversa iha Plenária Parlamento Nacional.
Necessidade hirak ne’ebé Deputado sira levanta mak hanessan acesso bee moos iha Município Manatuto inclui área balun iha capital Díli, irrigação iha Oecússi ne’ebé falta bee, eletricidade iha suco Colimau Município Bobonaro.
Além de ne’e, questiona mós kona-ba construção auto estrada iha Município Cova-lima liuliu Suco Matai ne’ebé dificulta atividade comunidade nian.
Ministro da Reforma Legislativa e dos Assuntos Parlamentares, Fidélis Magalhães, hatete preocupação no sugestão sira ne’e Governo considera no sei informa ba ministério relevante hodi resolve.
Sessão Plenária ne’e preside hussi Presidente do Parlamento Nacional em exercício, Maria Angelina Lopes Sarmento, acompanha hussi membro da Mesa, no hetan presença hussi Ministro da Reforma Legislativa e dos Assuntos Parlamentares, Fidélis Magalhães.
