Pagina Inicial»Noticia
Parlamento Nacional realiza conferencia Internacional hodi comemora ba dala 21o Aniversário da Declaração Universal da Democracia, iha loron 3 fulan outubro tinan 2018, iha sala de conferencia Ministério das finanças.
Conferencia ne’e loke hussi Presidente da República, Francisco Guterres “ Lu-Olo” acompanha hussi Presidente do Parlamento Nacional, Arão Noé de Jesus.
Iha discurso abertura Presidente da República nian hatete agradece ba entidade hotu-hotu liuliu Parlamento Nacional ne’ebé organiza boot ida-ne’e ba dahuluk iha Timor-Leste, kona-ba democracia. Democracia precisa ema hotu nia contribuição la'ós parte órgão soberania sira-nian de’it, nune’e ema hotu-hotu precisa organiza maneira comunicação ida ne’ebé efetivo.
Entretanto iha discurso Presidente do Parlamento Nacional, Arão Noé de Jesus, hatete Parlamento Nacional hanessan casa da democracia continua loke an hodi rona povo nia lian liu hussi programa lian povo.
Protege democracia laos dever e obrigação liderança política sira nian, maibé, sai mos dever e obrigação cidadão sira hotu nia.
Iha oportunidade ne’e Presidente do Parlamento Nacional mós agradece ba presença ilustres oradores no convidados ne’ebé mai hussi rai dook hodi fahe sira nia experiencia. No especial liu hato’o agradece wa’in ba Sua Excelência Presidente da República, ne’ebé aceita convite hodi halo discurso de abertura ba conferencia ida ne’e. Agradece mos ba apoio hussi parceiro de desenvolvimento mak hanessan; Inter-Parliamentary Union, IRI, Escola Portuguesa Ruy Cinatti; UNDP; USAID no União Europeia, ne’ebé fo apoio hodi realiza conferência ida-ne’e.
Matéria ba discussão durante conferência mak hanessan; Timor Leste Hetan Democracia; Oinsá Media Social Influencia ba Democracia; Tendências Globais no Igualdade Género iha Democracia, ho nia orador sira mak hanessan; Eis-Presidente da República, José Ramos Horta; Eis-Primeiro-Ministro, Mari Alkatiri; Eis-Ministro Negócios Estrangeiros e Cooperação, José Luís Guterres; Representante membro Parlamento Indonésia, Budiman Sudjatmiko; Representante membro Parlamento Europeia, Deputada Ana Gomes; Presidente do Concelho de Imprensa, Virgílio Guterres; Chefe de Departamento da Agência de Notícias LUSA, António Sampaio; Comissário da Comissão Função Publica, Maria Domingas Alves; Ministério Negócios Estrangeiros Tailândia, Kasit Piromya; Coordenador Residente das Nações Unidas, Roy Trivedy; Eis-Presidente Rede Feto, Ubalda Filipe Alves; Assessora Ministério Solidariedade Social no Inclusão, Cármen da Cruz; Manager Programme IRI, Carlito Nunes; ho nia moderador sira mak hanessan: Presidente da Delegação do Parlamento para IPU, Deputada Veneranda Lemos, Presidente Comissão E, Deputado Abel Pires da Silva, Presidente Comissão B, Deputado Adérito Hugo Da Costa, no Presidente do Grupo das Mulheres Parlamentares de Timor Leste, Lídia Norberta Martins.
Convidado sira-ne’ebé participa iha Conferencia ne’e mak: Presidente da República Democrática de Timor Leste, Francisco Guterres “ Lu-Olo”, Eis titular sira, Deputado sira, membro Governo sira, corpo diplomático sira inclui convidado sira seluk.
Conferência ne’e encera hussi Vice-Presidente do Parlamento Nacional, Deputada Maria Angelina Lopes Sarmento, ho assinatura ba Projeto de Resolução de Declaração Universal da Democracia, ne’ebé aprova hussi Parlamento Nacional, iha loron 2 fulan outubro tinan 2018.
