Pagina Inicial»Noticia
Comissão F iha Parlamento Nacional ne’ebé trata assuntos Educação, Saúde, e Igualdade de Género, halo audiência publica ho organização sociedade civil Judicial System Monitoring Programme (JSMP), iha loron 27 fulan setembro tinan 2018, iha sala Comissão F.
Durante audiência, Coordenador ba Unidade Monitorização ba Serviço Parlamento Nacional, José Pereira, apresenta recomendação barak ba Parlamento Nacional hodi considera hanessan prioridade ida.
Recomendação hirak ne’ebé JSMP apresenta ba Comissão mak hanessan Lei Anticorrupção, Lei Proteção ba Labarik, inclui alteração ba Código Civil no lei sira seluk.
Presidente da Comissão F, Deputada Maria Gorumali Barreto, aprecia ba serviço JSMP nian ne’ebé durante ne’e halo monitorização ba serviço Parlamento Nacional. No recomendação hirak ne’ebé JSMP apresenta liuliu lei hirak ne’ebé liga ba área temática Comissão F nian sei considera iha Legislatura ida-ne’e.
