Pagina Inicial»Noticia
Diretor Nacional hussi companhia JICA (Japan International Cooperation Agency), Koki Kaneda, ho nia equipa sira halo reunião ho Presidente Comissão E ne’ebé trata Infraestruturas, Abel Pires da Silva, acompanha hussi membro Comissão nian, iha loron 20 fulan setembro tinan 2018, iha sala conferencia do Parlamento Nacional.
Reunião ne’e ho objetivo atu fahe experiencia ba Deputado sira kona-ba estudo viabilidade sira ne’ebé Deputado sira precisa hatene relaciona ho fiscalização ba projeto infraestrutura sira iha Timor-Leste, oinsá atu deteta qualidade hussi construção ida, manutenção, inclui nia financiamento, liuliu ba projeto estrada sira no Aeroporto Internacional Nicolau Lobato ne’ebé companha JICA rassik mak sei halo construção ba projeto ne’e.
Presidente Comissão E agradece ba equipa JICA ne’ebé fahe ona informação importante sira ba Deputado sira hodi bele ajuda Deputado sira hala’o sira nia knaar nu’udar fiscalizador ne’ebé di’ak iha futuro.
Comissão E mós sei continua halo reunião iha futuro mai baseia ba agenda ne’ebé prevê ona entre JICA ho Comissão E.
