Pagina Inicial»Noticia
Sindicato Geral Trabalhador Timor Leste (SGTTL), iha loron 19 fulan setembro tinan 2018 hato’o queixa ba Comissão A Parlamento Nacional ne’ebé trata assuntos Constitucionais e Justiça, kona-ba vitima afeitado ba construção residência ba Presidente Autoridade Região Administrativa Especial Oecússi Ambeno (RAEOA).
Iha apresentação queixa ne’e responsável SGTTL ba RAEOA, Henrique Sila, informa ba Vice-Presidente Comissão A ho nia membro sira kona-ba cronologia construção moru ba residência autoridade RAEOA nian, ne’ebé mak halo iha loron 28 fulan agosto tinan 2018 hodi afeta ba rai hussi família umakain haat nian.
Ba questão ne’e SGTTL hussu ba Comissão A hodi halo fiscalização direta ba construção ne’e nune’e bele hatene realidade iha tereno.
