Pagina Inicial»Noticia
Parlamento Nacional liu hussi sessão Plenária ordinária iha loron 17 fulan setembro tinan 2018, halo abertura ba 1ª Sessão Legislativa ba V Legislatura nian.
Iha sessão solene ne’e marca presença hussi Presidente da República, Francisco Guterres Lu-Olo, iha 10h08 ne’ebé simu direta hussi Secretário-Geral do Parlamento Nacional, Adelino Afonso de Jesus, no Chefe Protocolo do Parlamento Nacional, Vitorino de Fátima Moniz dos Reis, hodi hakat ba gabinete do Presidente do Parlamento Nacional.
Liu tiha minuto balun nia laran, iha 10h17 Presidente do Parlamento Nacional, Arão Noé de Jesus, acompanha Presidente da República, Francisco Guterres Lu-Olo, hodi hakat ba sala Plenária, no continua kedas ho hino nacional.
Hafoin hino nacional, Presidente do Parlamento Nacional loke Sessão Solene ne’e, no fó kedas tempo ba bancada parlamentar sira (Bancada PUDD, UDT/FM, PD, KHUNTO, PLP, CNRT, no FRETILIN) hodi hato’o sira-nia declaração bancada nian.
Iha declaração bancada parlamentar sira ne’e sita liu kona-ba situação politica rai laran, situação económica no oinsá buka soluciona impasse politica ida-ne’e.
Presidente da Republica, Francisco Guterres Lu-Olo, iha discurso hatete Presidente da República no Primeiro-Ministro continua esforço hodi resolve situação política liuliu liga ba candidato membro do Governo ne’ebé pendente hela.
Órgão hotu-hotu precisa lao tuir knaar constituição atu labele iha interferência ba malu iha funcionamento instituição Estado nian.
Povo Timor-Leste sei enfrenta situação economia ne’ebé difícil nune’e Estado iha obrigação hodi aumenta crescimento economia liu hussi programa no politica ne’ebé sustentável.
Presidente da República mós hussu povo tomak atu continua mantem paz no estabilidade hodi participa iha processo desenvolvimento nacional.
Entretanto Presidente do Parlamento Nacional, Arão Noé de Jesus, iha discurso hatete economicamente iha fulan hirak nia laran população enfrenta dificuldade barak tanba impacto hussi impasse politica.
Tanba ne’e, entidade hotu-hotu liuliu órgão de soberania sira continua lao tuir lei no regra ne’ebé mak iha hodi resolve situação ne’ebé acontece.
Hafoin discurso, Presidente do Parlamento Nacional encera sessão solene ne’e iha 12h39, no despede Presidente da República hodi sai hussi sala Plenária.
Sessão solene ne’e hetan presença hussi membro do Governo balun, Ex Presidente da República, José Ramos Horta, corpo diplomático sira, Comandante Geral da F-FDTL Major General Lere Anan Timor, Comandante Geral da PNTL, Júlio Hornai, inclui convidado sira seluk.
