Pagina Inicial»Noticia
Parlamento Nacional liu hussi sessão Plenária extraordinária iha loron 7 fulan setembro tinan 2018, aprova ona Orçamento Geral de Estado tinan 2018, ho votos 42 a favor, 9 contra no 14 abstenções.
Discussão OGE 2018 ne’e lao durante loron 9 hahú iha loron 27 fulan agosto too loron 7 fulan setembro tinan 2018.
OGE 2018 ne’e ho montante $1.279,600 bilhões. Durante discussão iha generalidade liuliu iha especialidade mossu proposta aditamento, alteração inclui transferência balun hussi dotação ida ba dotação seluk iha orçamento ne’e.
Hafoin votação final global, Presidente do Parlamento Nacional fó tempo ba Deputado sira hodi hato’o declaração de voto.
Ho aprovação iha final global ne’e, Comissão de Finanças Públicas sei halo redação final antes entrega ba Presidente do Parlamento Nacional no ikus mai liu hussi Decreto Parlamento Nacional haruka ba Presidente da República hodi halo promulgação.
Discussão ba OGE ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa, no hetan presença hussi Primeiro-Ministro, Taur Matan Ruak, no membro Governo tomak.
