Pagina Inicial»Noticia
Parlamento Nacional liu hussi Plenária extraordinária, iha loron 31 fulan agosto tinan 2018, continua halo discussão ba Proposta lei n.o 2/V (1a) - Orçamento Geral do Estado iha Especialidade hafoin aprovação generalidade nian iha loron 29 fulan agosto tinan 2018.
Reunião Plenária ne’e hahú iha 10h45 ho leitura ba Proposta de Lei Orçamento Geral do Estado ba Especialidade hussi Secretaria da Mesa.
Hafoin leitura, Presidente do Parlamento Nacional fó kedas tempo ba Deputado sira hodi apresenta dúvida, informação no sugestão kona-ba orçamento ba Presidência da República, Parlamento Nacional, no Gabinete Primeiro-Ministro nian.
Nune’e liu hussi discussão naruk, orçamento ba Presidência da República ho montante hamutuk $3,524 milhões ne’e aprova ho votos 55 a favor, 0 contra no 9 abstenções. Orçamento ba Parlamento Nacional, ho montante $10,396 milhões aprova ho votos 51 a favor, 0 contra, no 11 abstenções. No orçamento ba Gabinete Primeiro-Ministro ho montante $5,718 milhões aprova ho votos 52 a favor, 0 contra no 9 abstenções.
Discussão ne’e encera iha 19h42 no sei continua halo discussão iha loron 3 fulan setembro tinan 2018.
Sessão debate ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa, no hetan presença hussi Primeiro-Ministro, Taur Matan Ruak, ho membro Governo sira.
