Pagina Inicial»Noticia
Parlamento Nacional, iha loron 27 fulan agosto tinan 2018, hahú discute ona Proposta de Lei n.o 2/V (1ª) – Orçamento Geral de Estado para 2018, iha generalidade.
Debate ne’e loke hussi Presidente do Parlamento Nacional Arão Noé de Jesus, iha horas 16:27 loraik no continua ho leitura ba Guião hussi Secretaria da Mesa, Maria Terezinha Viegas.
Hafoin leitura ba Guião, mossu preocupação barak hussi Deputado sira hodi altera Guião refere, maibé ho resposta hussi Mesa nian continua mantem Guião ne’e, no tama kedas ba apresentação ba Proposta de Orçamento Geral de Estado tinan 2018 nian, hussi Primeiro-Ministro, Taur Matan Ruak.
Proposta Orçamento Geral de Estado ne’ebé Governo propõem ba tinan 2018 ne’e hamutuk US$ 1.279,6 milhões ne’ebé fahe ba categoria sira hanessan; Salários e Vencimentos hamutuk US$ 200,312 milhões, Bens e Serviços hamutuk US$ 421,666 milhões, Transferências Públicas, hamutuk US$ 261,925 milhões, Capital Menor US$ 3,659 milhões, no Capital de Desenvolvimento incluindo Fundo de Infraestruturas e Empréstimos hamutuk US$ 392,037 milhões.
Hafoin apresentação Proposta de Orçamento Geral de Estado, continua kedas ho leitura ba relatório e parecer hussi Comissão C, Comissão Finanças Publicas, kona-ba proposta de lei refere.
Discussão loron dahuluk ne’e termina iha horas 19:50 kalan, sei continua discute iha loron 28 fulan agosto tinan 2018.
Sessão debate ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa, no hetan presença hussi Primeiro-Ministro, Taur Matan Ruak, ho membro Governo tomak.
