Pagina Inicial»Noticia
Comissão Especializada Permanente sira iha Parlamento Nacional, iha loron 20 fulan agosto tinan 2018, continua halo audiência publica ba loron dahaat ho ministério relevante sira hodi discute kona-ba Orçamento Geral de Estado ba tinan 2018 ba cada ministério.
Durante audiência, cada ministério apresenta nia programa no orçamento ba tinan 2018 inclui execução orçamento duodecimal nian. Hussi orçamento ne’e rassik montante balun sei aloca hodi selu divida ne’ebé mak iha.
Iha audiência ne’e, Deputado sira hussu clarificação ba orçamento sira no fó sugestão barak ba ministério relevante liga ba necessidade povo nian.
Iha loron dahaat ne’e Comissão Especializada Permanente sira ne’ebé continua halo audiência mak hanessan: Comissão B ne’ebé trata assuntos Negócios Estrangeiros e Defesa Segurança, halo audiência Ministério dos Negócios Estrangeiros.
Comissão C ne’ebé trata assuntos Finanças Públicas, ho Comissão D ne’ebé trata assuntos Economia e Desenvolvimento, halo audiência ho Conselho Consultivo Fundo Petrolífero, Secretario Estado do Desenvolvimento Cooperativo, Banco Nacional de Comercio Timor Leste, no Banco Central de Timor Leste.
Audiência publica ne’e sei continua iha loron 21 fulan agosto tinan 2018, hodi rona ministério sira-nia programa no orçamento.
