<p><a href="//www.parlamento.tl/%3Ca%20href%3D"http://www.parlamento.tl">http://www.parlamento.tl">Pagina Inicial»</a>Noticia</p>
Presidente do Parlamento Nacional, Arão Noé de Jesus, halo enceramento ba Conferencia Internacional kona-ba Tassi Timor ho tema Timor-Leste, o século do Mar, iha loron 17 fulan agosto tinan 2018, iha salão auditório Ministério das Finanças.
Iha discurso de enceramento, Presidente hateten iniciativa ba Conferencia Internacional ne’e importante atu líder nacional sira bele partilha informação, no experiencia sira kona-ba tassi ne’ebé sai hanessan objeto ba povo. Timor-Leste nia realidade agora relevante tebes tanba sei dependente makas ba recurso marítimo nian.
Conferencia Internacional ne’e hala’o durante loron rua hahú iha loron 16 too 17 fulan agosto ne’ebé loke hussi Presidente da República, Francisco Guterres «Lu –Olo».
Orador sira ba Conferencia ne’e mak hanessan; Capitão de Mar e Guerra das F-FDTL e Diretor Instituto Defesa Nacional, Donaciano Costa Gomes, Ministro Estado Presidência do Conselho de Ministro, Hermenegildo Cabral Agosto Pereira, Chefe Estado Maior das Forcas Armadas Portugal, Almirante António Silva Ribeiro, Vice presidente da Universidade World Maritime na Suíça, Prof. Dr. Shuo Ma, Professor Especialista e Diretor dos Estudos Tecnologia do Mar do ISCIA em Lisboa e Ex Administrador do Porto de Lisboa, Prof. Dr, Eduardo Martins, Chefe Estado Maior das Forcas Armadas do FALINTIL/FDTL, Major General Lere Anan Timor, Ex Presidente da República da RDTL e Premiado Nobel da Paz, enviado especial do Secretario da Geral da UNO para Guine Bissau. Dr. José Ramos Horta, no Presidente RAEOA, Mari Alkatiri.
Participa iha conferencia ne’e mak hanessan Membro Parlamento Nacional hussi Comissão B ne’ebé trata assuntos Negócios Estrageiros e Defesa Nacional, membro do Governo sira, Embaixador sira, corpo Diplomático sira, membro oficias F-FDTL, membro oficiais PNTL académico, Sociedade Civil no parceiro desenvolvimento sira.
