Pagina Inicial»Noticia
Secretário-Geral g7+, Helder da Costa, ho nia equipa sira halo reunião ho Presidente do Parlamento Nacional, Arão Noé de Jesus, iha loron 16 fulan agosto tinan 2018, iha gabinete do Presidente do Parlamento Nacional.
Iha reunião ne’e, Secretário-Geral g7+ Helder da Costa, lori naran nação sira g7+ nian hato’o felicitação ba Deputado Arão Noé de Jesus hanessan Presidente do Parlamento Nacional ba V Legislatura nian.
Além de ne’e informa kona-ba atividade, programa, no progresso g7+ nian iha nível internacional hodi nune’e Presidente do Parlamento Nacional hatene liuliu advocacia ba paz no estabilidade iha nação pós conflito sira. Resolução 2 ba g7+ nia cede iha Timor-Leste no carta oficial ne’ebé Parlamento Nacional ratifica ona iha Legislatura anterior no agora iha ona Presidência da República.
Secretário-Geral g7+ mós hussu atu Presidente do Parlamento Nacional atu tempo ruma bele convida Presidente da Assembleia Central da Africa mai iha Timor-Leste hodi haree desenvolvimento democracia iha Timor-Leste.
Presidente do Parlamento Nacional agradece ba felicitação ne’e no hein katak g7+ continua sucesso nafatin iha futuro no principalmente Timor – Leste bele sai exemplo ida nação democracia iha mundo tomak. Presidente do Parlamento Nacional mós sei buka tempo hodi convida Presidente da Assembleia Central da Africa mai Timor-Leste bainhira situação politica rai laran hahú normal.
