Pagina Inicial»Noticia
Comissão Especializada Permanente sira iha Parlamento Nacional, iha loron 15 fulan agosto tinan 2018, halo ona audiência publica ba dahuluk ho ministério relevante sira hodi discute kona-ba Orçamento Geral de Estado ba tinan 2018 ba cada ministério.
Durante audiência, cada ministério apresenta nia programa no orçamento ba tinan 2018 inclui execução orçamento duodecimal.
Iha audiência ne’e, Deputado sira mós hussu clarificação ba orçamento sira no fó sugestão barak ba ministério relevante liga ba necessidade povo nian.
Iha loron dahuluk ne’e Comissão Especializada Permanente sira ne’ebé halo ona audiência mak hanessan: Comissão A ne’ebé trata assuntos Comissão de Assuntos Constitucionais e Justiça, halo audiência ho Gabinete do Primeiro-Ministro, Ministro de Estado e da Presidência do Conselho de Ministros, Ministro da Reforma Legislativa e Assuntos Parlamentares e Inspeção Geral do Estado no Casa Civil hussi Presidencial da República.
Comissão B ne’ebé trata assuntos Negócios Estrangeiros, Defesa e Segurança, halo audiência ho Ministério da Defesa, F-FDTL, Instituto da Defesa Nacional, Ministro do Interior, PNTL, Serviço Nacional de Inteligência no Migração.
Comissão C ne’ebé trata assuntos Finanças Públicas, halo audiência ho Ministério da Solidariedade Social e Inclusão, FONGTIL, no ONG Luta Hamutuk.
Comissão D ne’ebé trata assuntos Economia e Desenvolvimento, halo audiência ho Ministério da Agricultura e Pescas, no Secretário de Estado do Meio Ambiente.
Comissão E ne’ebé trata assuntos Infraestrutura halo audiência ho companha JICA.
Comissão F ne’ebé trata assuntos Educação, Saúde, Segurança Social e Igualdade Género, halo audiência ho Ministério Solidariedade Social e Inclusa, Comissão Nacional do Combate ao HIV/SIDA, no Comissão Nacional dos Direitos das Crianças.
Comissão G ne’ebé trata assuntos, Educação, Juventude, Cultura e Cidadania, halo audiência ho Ministério da Educação, Juventude e Desporto, Secretario de Estado da Juventude e Desporto, no Reitor UNTL.
Audiência publica ne’e sei continua iha loron 16 fulan agosto tinan 2018, hodi rona ministério sira-nia programa no orçamento.
