Pagina Inicial»Noticia
Comissão F iha Parlamento Nacional ne’ebé trata assuntos Educação, Saúde, Segurança Social e Igualdade de Género, halo audiência público ho nia parceiro sira hanessan; Comissão Nacional ba Direitos Labarik (KNDL), Centro Nacional Chega (CNC), Secretario Executivo Comissão Nacional Combate HIV/ SIDA, Comité 12 de Novembro, no East Timor Blind Union (ETBU), iha loron 9 fulan agosto tinan 2018 fatin sala GMPTL Parlamento Nacional.
Audiência ne’e ho objetivo atu Comissão F bele rona missão no visão hussi nia parceiro sira nune’e bele colabora di’ak liu tan iha futuro.
Durante audiência cada organização apresenta nia área de serviço, tuir programa no plano ida idak nian, nune’e Comissão F bele considera área hirak ne’ebé prioridade hodi colabora liga ba área temática comissão nian.
Presidente Comissão F, Deputada Maria Gorumali Barreto, hatete audiência ne’e importante tebes tanba comissão bele iha informação barak facilita di’ak liu tan comissão iha nia fiscalização.
Audiência ne’e preside hussi presidente Comissão F, Maria Gorumali Barreto, acompanha hussi membro comissão nian no hetan presença hussi Comissario interino Comissão Nacional ba Direito Labarik, Eugénio Soares, Diretor executiva CNC, Hugo Fernandes, Secretário Executiva Comissão Nacional Combate HIV/SIDA, Daniel Marçal, Secretário-Geral Comité 12 Novembro, Sérgio de Jesus Marques, no Diretor Executiva ETBU, Umbelino Destero da Costa.
