Pagina Inicial»Noticia
Parlamento Nacional liu hussi sessão Plenária extraordinária iha loron 9 fulan agosto tinan 2018, baixa ona Proposta de Lei n.o 2 /V (1ª) – Orçamento Geral do Estado para 2018, ba Comissão de Finanças Públicas inclui comissão especializada permanente sira seluk.
Proposta de Lei ne’e entrega direta hussi Presidente do Parlamento Nacional, Arão Noé de Jesus, ba Presidente Comissão Especializada Permanente sira.
Hafoin simu tiha Proposta de Lei ne’e, Comissão C ne’ebé trata assuntos Finanças Publicas sei analisa no halo relatório parecer hodi apresenta iha sessão Plenária.
Proposta de Orçamento Geral de Estado ne’e entrega ona ba Parlamento Nacional ne’ebé simu direta hussi Presidente do Parlamento Nacional iha loron 7 fulan agosto tinan 2018 hussi Ministro da Reforma Legislativa e Assuntos Parlamentares, Fidélis Manuel Leite Magalhães, acompanha hussi Vice-Ministra das Finanças, Sara Lobo Brites, iha gabinete Presidente do Parlamento Nacional.
