Pagina Inicial»Noticia
Comissão G iha Parlamento Nacional ne’ebé trata assuntos Educação, Juventude, Cultura e Cidadania, iha loron 8 fulan agosto tinan 2018, halo audiência ho Diretor Geral Agencia de Desenvolvimento Nacional, Samuel Marçal, ho nia adjunto, Rui Lourenço, sala Comissão G.
Objetivo hussi audiência ne’e atu comissão bele rona clarificação hussi Diretor ADN kona-ba preocupação hussi Reitor UNTL iha semana kotuk relaciona ho destruição ilegal ba propriedade UNTL nian ne’ebé localiza iha Suco Hera Município Díli.
Diretor ADN clarifica katak parte ADN la iha conhecimento ba estatuto rai refere nune’e bainhira mossu informação katak rai ne’e pertence ba UNTL nian, para ADN hapara kedas atividade iha área refere, no ADN rassik mós hussu ona desculpa ba parte UNTL.
Relaciona ho assunto ne’e, Presidente Comissão G Deputada Albina Marçal Freitas, hatete iha tempo badak Comissão G sei halo visita ba área refere hodi haree diretamente situação real iha fatin refere.
Audiência ne’e preside hussi presidente Comissão G Deputada Albina Marçal Freitas, acompanha hussi membro sira Comissão G nian no hetan presença hussi Diretor ADN ho nia adjunto.
