Pagina Inicial»Noticia
Comissão E iha Parlamento Nacional ne’ebé trata assuntos Infraestruturas, iha loron 08 fulan agosto tinan 2018, halo reunião ho representante ONG (Organização Não Govermental) Matadalan Instituto, Valente Lelo-Bau no Gregório da Costa, iha sala Comissão E.
Iha audiência ne’e parte ONG Matadalan Instituto informa ba Deputado sira Comissão E kona-ba atividade hirak ne’ebé ONG ne’e halo liuliu fiscalização ka advocacia ba Programa Nacional de Desenvolvimento Suco (PNDS), ho Programa de Desenvolvimento Integrado Municipal (PDIM), iha município sira hanessan Município Covalima, Manatuto, Aileu, Liquiçá ho RAEOA.
Advocacia ne’e haree liu ba infraestrutura básica, liga ba Orçamento Geral de Estado ne’ebé aloca cada tinan.
Ho atividade ne’e, Comissão E sugere ba ONG Matadalan Instituto hodi apresenta relatório advocacia nian ba Comissão E atu bele apar nune’e bele partilha informação ba malu.
Audiência ne’e preside hussi Presidente Comissão E, Deputado Abel Pires, no acompanha hussi membro comissão nian.
