Pagina Inicial»Noticia
Parlamento Nacional liu hussi reunião Plenária extraordinária, iha loron 3 fulan agosto tinan 2018, halo ona aprovação ba Orçamento Privativo Parlamento Nacional nian ba tinan 2018 ho votos 40 a favor, 0 contra no 3 abstenções.
Pacote fiscal ne’ebé Governo haruka ba Parlamento Nacional hamutuk $ 9.152.000 milhões ho nia categoria mak hanessan; Salários e Vencimentos $5.015.000 milhões, Bens e Serviços $3.113.000 milhões, Transferências $928.000 mil, no Capital de Desenvolvimento $96.000 mil.
Masque nune’e liu hussi discussão naruk iha Conselho de Administração, Comissão C no ikus mai iha discussão Plenária, liga ba necessidade Parlamento Nacional nian, hassai categoria Capital de Desenvolvimento no aumenta montante ruma hussi montante inicial ne’ebé Governo prevê. Tanba ne’e total montante ne’ebé aprova iha final global hamutuk $10.324.000 milhões ho nia categoria mak hanessan; Salários e Vencimentos $5.116.000 milhões, Bens e Serviços $ 4.182.000 milhões, no Transferências $1.026.000 milhões.
Nune’e montante ida-ne’e mak sei envia ba Governo hodi tau iha Orçamento Geral de Estado 2018 nian ne’ebé sei halo discussão no aprovação iha tempo badak.
Reunião Plenária ne’e preside hussi, Presidente do Parlamento Nacional, Arão Noé de Jesus, acompanha hussi membro da Mesa sira, no hetan presença hussi Secretário-Geral do Parlamento Nacional, Adelino Afonso de Jesus, ho nia equipa sira.
