Pagina Inicial»Noticia
Presidente do Parlamento Nacional, Arão Noé de Jesus, halo reunião ho Presidente Rede Feto Timor-Leste, Judit Dias Ximenes, ho nia equipa sira, iha loron 2 fulan agosto tinan 2018, iha gabinete do Presidente do Parlamento Nacional.
Iha reunião ne’e Presidente Rede Feto Timor-Leste fó congratulação ba Presidente do Parlamento Nacional no Deputado sira hotu iha V Legislatura ne’e.
Durante reunião, Presidente Rede Feto informa ba Presidente do Parlamento Nacional kona-ba desafio ka dificuldade hirak ne’ebé horas ne’e daudauk Rede Feto hassoru, tanba ne’e hussu apoio ba Parlamento Nacional hodi facilita implementação programa Rede Feto nian.
Programa hirak ne’ebé Rede Feto prevê ho objetivo eleva capacidade feto sira-nian liuliu iha área rural hodi participa iha processo desenvolvimento nacional, no programa ida seluk oinsá bele defende direito feto sira-nian.
Presidente do Parlamento Nacional, Arão Noé de Jesus, sente orgulho ho serviço Rede Feto durante ne’e liuliu oinsá defende direito feto sira-nian masque iha dificuldade barak.
Iniciativa no programa Rede Feto nian, Presidente do Parlamento Nacional sugere atu submete ba Governo liu hussi ministério relevante hodi bele fó atenção, nune’e melhoria serviço Rede Feto nian iha Timor-Leste.
