Pagina Inicial»Noticia
Parlamento Nacional preocupa makas ba utilização média social durante ne’e, liuliu hussi ema hirak ne’ebé la iha responsabilidade hodi difama liderança nacional sira.
Preocupação hirak ne’e Deputado sira levanta iha reunião Plenária ordinária iha loron 23 fulan julho tinan 2018, relaciona ho publicação fotografia no liafuan balun iha media social hanessan facebook hodi difama liderança nacional sira.
Nune’e Deputado sira hussu ba Governo liuliu ministério relevante atu controla utilização media social sira liuliu publicação hirak ne’ebé difama no hatún dignidade liderança sira-nian.
Além de ne’e Deputado sira questiona kona-ba eletricidade ne’ebé mate iha semana ikus ne’e inclui problema social sira seluk.
Iha reunião Plenária ne’e mós anuncia ba designação mesa do Grupo Nacional ba Assembleia Parlamentar da CPLP hanessan Deputado Francisco Miranda Branco hussi bancada FRETILIN (Presidente), Deputada Maria Fernanda Lay hussi bancada CNRT (Vice-Presidente) no Deputada Maria Terezinha Viegas hussi bancada CNRT (Secretária). Nune’e mós ba mesa Grupo de Mulheres Parlamentares do Parlamento Nacional hanessan Deputada Lídia Norberta dos Santos hussi bancada FRETILIN (Presidente), Deputada Maria Rosa da Camara «Bisoi» hussi bancada CNRT (Vice-Presidente), no Deputada Elvina Sousa Carvalho hussi bancada PD (Secretária).
Reunião Plenária ne’e preside hussi Presidente do Parlamento Nacional, Arão Noé de Jesus acompanha hussi membro da Mesa, no marca presença hussi Ministro da Reforma Legislativa e Assuntos Parlamentares, Fidélis Magalhães.
