Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi nia assessor sira, Júlio Tomás Pinto no Amândio de Sá Benevides, halo reunião ho Diretor de Prevenção hussi Comissão Anticorrupção (CAC), Rosário de Araújo, ho nia equipa, iha loron 19 fulan julho tinan 2018, iha gabinete do Presidente Parlamento Nacional.
Iha reunião ne’e, Diretor de Prevenção, fó conhecimento ba Presidente do Parlamento Nacional hodi CAC, liuliu iha área prevenção, bele coopera ho Divisão de Logística no Aprovisionamento, liu hussi gabinete Auditoria Parlamento Nacional, atu bele halo monitorização no inspeção ba logística no aprovisionamento Parlamento Nacional nian.
Presidente do Parlamento Nacional, Arão Noé de Jesus, agradece ba cooperação CAC nian, liuliu parte Prevenção nian, ho Parlamento Nacional, nune’e bele halo prevenção ba ato corrupção iha Parlamento Nacional, no nia parte sei fó autorização liu hussi Secretariado Parlamento Nacional hodi bele realiza cooperação ne’e.
