Presidente do Parlamento Nacional, Arão Noé de Jesus da Costa Amaral, acompanha hussi nia assessor sira, Bruno Lencastre no Júlio Tomás Pinto, halo reunião ho delegação hussi Defensoria Pública Geral Federal do Brasil, composta hossi Carlos Eduardo Barbosa Paz no Rodrigo Esteves Rezende, ne’ebé acompanha hussi Defensor Público-Geral da República Democrática de Timor-Leste, Sérgio de Jesus Fernandes da Costa Hornai, Embaixador do Brasil iha Timor-Leste, Aldemo Garcia, ho nia equipa hussi Agência Brasileira de Cooperação (ABC), iha loron 22 fulan junho tinan 2018, iha gabinete do Presidente do Parlamento Nacional.
Objetivo reunião ne’e atu informa ba Presidente do Parlamento Nacional kona-ba relatório ikus serviço Agência Brasileira de Cooperação nian iha área justiça, principalmente ho Defensoria Pública Geral Timor-Leste nian.
Nune’e, hanessan Parlamento Nacional ho nia Plano Estratégico ba período 2011-2030 bele colabora no eleva di’ak liu tan Defensoria Pública nia existência iha município sira.
Presidente do Parlamento Nacional agradece ba apoio tomak hussi ABC iha área justiça, promete atu continua cooperação ne’e hodi capacita Defensoria Pública Geral Timor-Leste nian hodi bele tulun vitima sira, liuliu ema kiak sira hodi hetan justiça loloos.
