Parlamento Nacional iha V Legislatura ne’e estabelece bancada parlamentar hamutuk 8, hanessan bancada FRETILIN, CNRT, PLP, KHUNTO, PD, UDT, PUDD no FRENTE-Mudança.
Liu hussi reunião líder bancada parlamentar sira, iha loron 19 fulan junho tinan 2018, iha sala de conferências Parlamento Nacional nian, decide tuir Regimento Parlamento Nacional iha artigo 11º, alínea 1) no 2) ne’ebé ko’alia kona-ba Constituição no Organização, nune’e Bloco Aliança Mudança ba Progresso (AMP), fahe ba bancada 3 (tolu), Frente Desenvolvimento Democrático (FDD), fahe ba bancada 3 (tolu), nune’e hamutuk ho bancada FRETILIN no PD hamutuk bancada 8.
Iha reunião líder bancada parlamentar ne’e, mós ko’alia kona-ba Reunião Plenária Extraordinária iha tempo badak, atu bele halo aprovação ba autorização viagem Presidente da República nian ba estrangeiro, inclui assunto importante sira seluk.
Reunião líder bancada sira ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi Vice-Presidente na’in rua, Secretária da Mesa ho nia vice-secretária sira, inclui líder bancada sira.
