Parlamentu Nasionál liu husi reuniaun plenaria ordinária, iha loron 24 fulan marsu tinan 2025, autoriza dezlokasaun ba vizita estadu Prezidente Repúblika nia ba Repúblika Turquia, entre loron 9 to’o 14 fulan abril tinan 2025, ho votus a favor 40, kontra 4 no abstensaun 8
Deslokasaun oficial ida ne’e hanesan resposta ba konvite husi Prezidente Repúblika Turquia nian, Racep Tayyip Erdogan, hodi partisipa iha quarta edição do Antalya Diplomacy Forum, iha Antalya, Turquia ho tema, “Reclaiming Diplomacy in a Fragmented world” (Rekupera Diplomasia iha mundu ne'ebé Fragmentadu).
Iha sesaun plenaria ne’e, Bankada FRETILIN aprezenta deklarasaun politika kona-ba polemika naktuka ho fatuk sinai no Bankada KHUNTO koalia kona-ba exijensia povo nian liga ba área agrikultura, programa PNDS no KPK (Konsellu Polisiamentu Komunitária). Alénde ne’e, Deputadu sira mos aprezenta kestaun seluk mak hanesan infraestrutura bázika, edukasaun, saúde, be mós, jestaun lixu, no kestaun importante sira seluk ne’ebé presija atensaun husi Governu.
Reuniaun plenaria ne’e prezide husi Prezidente Parlamentu Nasionál, Maria Fernanda Lay, akompaña husi Membru Meza sira no hetan partisipasaun husi, Vise-Ministru ba Asuntu Parlamentar, Aderito Hugo da Costa. FIM
