Prezidente Parlamentu Nasionál, Maria Fernanda Lay, simu audiénsia husi Embaixadora Republika Xina iha Timor-Leste, Wang Wenli, iha loron 26 fulan fevereiru tinan 2025, iha Gabinete Prezidente.
Audiénsia ne’e ko’alia kona-ba hametin koperasaun bilateral ne’ebé foka liu ba programa interkambiu legislador entre parte rua hodi halo diak liu tan kualidade lejislasaun sira iha futuru. Xina ho Timor-Leste kontinua mantén komunikasaun ne’ebé diak ho objetivu atu apoiu malu iha área oin-oin ba dezenvolvimentu husi parte rua hotu. Agora dadaun, Xina hakarak habelar liu tan kooperasaun sira ne’e, espesialmente iha transporte aero nian, katak iha ona lansamentu ofisial aviaun Aero Dili semo direta entre Timor-Leste ho Xina. Xina hein katak iha futuru mai, liu husi programa interkambiu nível parlamentar ne’ebe iha, Deputadu Parlamentu Nasionál sira bele ba vizita Xina hodi koalia kona-ba asuntu importante sira liga ba Estadu nia interese. FIM
