Parlamentu Nasionál liu husi reuniaun plenária ordinária, iha loron 24 fulan fevereiru tinan 2025, halo diskusaun no votasaun final global ba Proposta lei nú. 9/VI(2.ª)) – Medidas Tutela ba Legalidade Urbanistika, ho votus a afavor 39, kontra 2 no abstensaun 15.
Antes aprovasaun, plenáriu halo apresiasaun no aprovasaun ba rekerimentu reabertura ba artigu balun husi Proposta Lei refere, ne’ebé hato’o husi Deputadu proponente Dário Madeira, no resultadu votasaun, a favor 22, kontra 35, no abstensaun 0.
Iha periodu antes ordem do dia nian, iha substituisaun temporária ba Deputadu António da Conceição ba Deputadu Mariano Fernando Xavier Malik; iha mós informasaun kona-ba vizita privada Prezidente Repúblika ba Atambua- Indonésia, iha loron 2 to’o 5 fulan marsu tinan 2025.
Alénde ne’e, Bankada Parlamentar PLP hato’o deklarasaun politika, kona-ba defende boa governasaun hodi bele dudu dezenvolvimentu inkluzivu ba povu Timor-Leste. Nune’e mos, Deputado sira hato’o kestaun importante sira seluk ne’ebé liga ba povu nia moris hodi hetan atensaun husi Governu no Insituisaun relevenate sira.
Sesaun Plenária ne’e, Prezide husi Prezidente Parlamentu Nasionál, Maria Fernanda Lay, mas iha inisiu sesaun, iha periodu antes ordem do dia prezide husi Prezidente Parlamentu Nasionál exersisiu, Maria Terezinha da Silva Viegas, akompaña husi membru Meza sira no hetan prezensa husi Ministru Obras Públikas, Samuel Marçal, Ministro do Planeamento e Investimento Estratégico, Gastão Francisco de Sousa no Vise-Ministru ba Asuntu Parlamentar, Aderito Hugo da Costa. FIM
