Prezidente Parlamentu Nasionál (PPN), Maria Fernanda Lay, akompaña husi Sekretariu-Jeral Parlamentu Nasionál, Edgar Sequeira Martins, realiza reuniaun ho Embaixadora Portugal iha Timor-Leste, Maria Manuela F. Bairos, iha loron 28 fulan janeiru tinan 2025, iha Gabinete PPN nian.
Reuniaun ne’e realiza ho objetivu atu koalia konaba kontinuidade kooperasaun bilateral entre Parlamentu Nasionál ho Embaixada Portugal iha Timor-Leste, parte rua koalia liu ba planu projetu sira ne’ebe atu realiza iha tinan ida ne’e. Alein de ne’e, koalia mos konaba potensialidade vizita Prezidente Asembleia Repúblika Portugal nian mai Timor-Leste no preparasaun Parlamentu Nasionál ba komemorasaun loron Mundial Lian Português nian, “5 de maio”. Iha vizita dahuluk ba iha inísiu tinan ida-ne'e, aproveita oportunidade atu reitera sira nia lasu amizade nian no dezeja ba malu próspero tinan foun nian. FIM
