Parlamentu Nasionál liu husi reuniaun plenária ordinária, iha loron 13 fulan janeiru tinan 2025, aprova edisaun jornal Parlamentu Nasionál, série I-A/n.º 14, loron 22 agostu 2023, série I-A/n.º 15, loron 23 agostu 2023 no série I-A/n.º 16, loron 24 agostu 2025, ne’ebé aprova ho 38 votus a favor, 0 kontra no 4 abstensaun.
Iha okaziaun ne’e, Bankada Parlamentar FRETILIN, hato’o deklarasaun politika kona-ba servisu saúde no eviksaun Komunidade Fomentu II; no Bankada KHUNTO koalia kona-ba setor infreaestrutura no Bankada PD kona-ba impaktu sosial ekonomiku afeta ba populasaun nia moris no Bankada PLP koalia kona-ba despeju ba komunidade fomentu II.
Iha intervensaun diversas, Deputadu sira aprezenta preokupasaun sira mak hanesan, planu konstrusaun estrada urbana no kanalizasaun bé moos, la-bele konsentra iha Díli precisa ba mos iha munisipiu sira, problema iha setor sira hanesan edukasaun, saúde, lixu, problema presu billete Díli ba Bali karun, problema eletricidade iha atsabe, no kestaun importante sira seluk ne’ebé precisa atensaun husi Governu.
Sesaun Plenária ne’e, prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
