Parlamentu Nasionál liu husi reuniaun plenária ordinária, iha loron 17 fulan dezembru tinan 2024, Deputadu sira halo diskusaun no aprovasaun ba Proposta Rezolusaun (PPR) sira mak hanesan:
PPR n.º 10/VI(2.ª) – Ratifika akordu Servisu Aéreos entre Governu Republika Timor-Leste ho Governu Malásia; aprova ho votus a favor 38 kontra 0 no abstensaun 5.
PPR n.º 11/VI(2.ª) – Ratifika akordu entre Governu Republika Timor-Leste ho Governu da Repúblika Filipinas kona-ba Supresaun ba Rekezitus ba vistu ba portadores Passaporte Diplomatiku no Oficial ou Servisu; aprova ho votus a favor 38 kontra 0 no abstensaun 3.
PPR n.º 12/VI(2.ª) – Ratifika akordu entre Governu Republika Timor-Leste ho Governu da Repúblika Sosialista Vietname kona-ba Izensaun ba Obrigasaun ba vistu ba Titulares Passaporte Diplomatiku no Ofisial ou Servisu; aprova ho votus a favor38 kontra 0 no abstensaun 3.
PPR n.º 13/VI(2.ª) – Ratifika akordu entre Governu Republika Timor-Leste ho Governu Índia kona-ba Izensaun ba vistu ba Titulares Passaporte Diplomatiku no ofisial ou Servisu; aprova ho votus a favor 38 kontra 0 no abstensaun 3.
Iha okaziaun ne’e, Bankada Parlamentar FRETILIN, reprezenta husi Deputadu David Dias Ximenes na kualidade hanesan ex-presus polítikus halo leitura ba karta aberta husi ex-presus polítikus ba Prezidente Repúblika no Primeiru Ministru RDTL.
Iha intervensaun diversas, Deputadu sira aprezenta preokupasaun kona-ba problema infraestrutura bázika, problema edukasaun, problema saúde, Problema prosesu ba emisaun no renovasaun passaporte ba sidadaun sira, problema lixu iha kapital Díli. Problema traballador foti lixu ne’ebé seidauk hetan pagamento fulan tolu ona, no kestaun importante sira seluk ne’ebé precisa atensaun husi Governu.
Sesaun Plenária ne’e, prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa no Vice-Ministra ba asuntu ASEAN, Milena Maria da Costa Rangel ho nia komitiva. FIM
