Prezidente Parlamentu Nasionál, Maria Fernanda Lay, intrega premiu Liberdade Expressaun Max Stahl, ba manan nain Sr. Jose Luis de Oliveira, iha loron 10 fulan dezembru tinan 2024, iha Sala Konferénsia Parlamentu nian.
Iha oportunidade ida ne’e, Sr. Jose Luis Oliveira hato’o nia agradesementu ba Parlamentu Nasionál liu husi ekipa juri sira ne’ebé hili ona nia ba sai manan nain ba Premiu Max Stahl ne’e, katak “senti haksolok maibe kontinua responsavel ba premiu nee hodi kontinua obra sira nebe hau halo ona durante nee hodi kontribui ba Estado ida ne’e”.
Iha serimónia ne’e atribui mós sertifikadu rekoñesimentu ba membru ekipa juri sira ba sira-nia servisu durante ne’e to’o final.
Marka prezensa iha serimónia ne’e Primeira Vice-Prezidente Parlamentu, Membru Meja, Sekretariu-Jeral Parlamentu Nasionál, Konvidadus husi Familia Max Stahl no ekipa Juri. FIM
