Parlamentu Nasionál liu husi reuniaun plenária ordinária, iha loron 3 fulan dezembru tinan 2024, Mesa anúnsiu ba admisaun no baixa ba Komisaun B, ne’ebé trata asuntu Negosiu Estranjeiru, Defeza no Seguransa Nasionál, Proposta Rezolusaun (PPR) sira mak hanesan:
PPR n.º 10/VI(2.ª) – Ratifika akordu Servisu Aéreos entre Governu Republika Timor-Leste ho Governu Malásia;
PPR n.º 11/VI(2.ª) – Ratifika akordu entre Governu Republika Timor-Leste ho Governu da Repúblika Filipinas kona-ba Supresaun ba Rekezitus ba vistu ba portadores Passaporte Diplomatiku no oficial ou Servisu;
PPR n.º 12/VI(2.ª) – Ratifika akordu entre Governu Republika Timor-Leste ho Governu da Repúblika Sosialista Vietname kona-ba Izensaun ba Obrigasaun ba vistu ba Titulares Passaporte Diplomatiku no ofisial ou Servisu;
PPR n.º 13/VI(2.ª) – Ratifika akordu entre Governu Republika Timor-Leste ho Governu Índia kona-ba Izensaun ba vistu ba Titulares Passaporte Diplomatiku no ofisial ou Servisu;
Iha intervensaun diversas, Deputadu sira aprezenta preokupasaun kona-ba problema infraestrutura bázika, problema edukasaun, problema saúde, Problema prosesu ba emisaun no renovasaun passaporte no bilhete identidade ba sidadaun sira, problema lixu iha sidade Díli, no kestaun importante sira seluk ne’ebé precisa atensaun husi Governu.
Sesaun Plenária ne’ebé hahu ho exekusaun Hino Nasionál no minutu ida hakmatek, prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
